Shkëlzen Gashi, ish-këshilltari i Albin Kurtit, beson që Kurti do të fitojë bindshëm.
Ani pse Kurti e kishte shkarkuar, Gashi beson se ai do t’i fitojë zgjedhjet edhe pa program.
“S’ka diskutim që do të jetë e para VV-ja bindshëm. Kjo kish me kon rrezik… sepse ai zgjedhjet i fiton edhe pa program edhe pa ekip”, tha Gashi në Klan Kosova.
Ish-kryeministrit Kurti kishte liruar nga detyra këshilltarin e tij Shkëlzen Gashi, pas një deklarate që ky i fundit e kishte bërë në një televizion në Kosovë.
Deklarata e Gashi se pjesëtarë të ish-Ushtrisë Çlirimtare të Kosovës kanë kryer krime ka ngritur reagime të shumta në publik, teksa partitë politike në Kosovë e cilësuan skandaloze këtë deklaratë të Gashit.
